Agora tamén temos Ovella galega

    Nesta Semana Santa estivemos -entre outras cousas- facendo unha corte e preparando o cercado dun espazo para meter media ducia de ovellas  -ovella galega- (raza autóctona de Galicia en perigo de extinción) nos arredores da Vivenda comunitaria "A túa outra casa". En primeiro lugar grazas ós donos das lameiras da Lama que nos deixan traelas alí (Paco, Eloy, Toño...); tamén ó Instituto do Campo, Instituto Ourensán de Desenvolvemento Económico e ó Centro de Recursos Zooxenéticos de Galicia (Pazo de Fontefiz). Onte, 9 de abril, Servando e Bernardino trouxeron 5 ovellas e un carneiro que pasarán a aumentar o traballo e os recursos do CDR O Viso; no empeño de seguir podendo ofrecer o que somos, o que temos; lembrando o pasado, imaxinando o futuro. Esta foi unha raza típica dos nosos pobos hasta fai pouco; seriamente ameazada pola introdución nos rabaños de sementais de razas cárnicas máis pesadas e a recría posterior destes mestizos co que se foi perdendo pouco a pouco a raza. As características máis importantes desta raza son a prolificidade (elevado porcentaxe de partos múltiples)., fertilidade (gran facilidade para a reprodución), rusticidade (moi adaptadas a sobrevivir en condicións desfavorables), lonxevidade (larga vida produtiva) e moi boas características maternais. A raza ovella galega agrupa a animais de pequeno tamaño, de proporcións ben equilibradas, laúdos de cor branca –sobre todo-, dedicados á produción de carne. 
    Uns días despois, aínda sen coñecernos moito xa van deixando que nos acheguemos algo máis...