Benvida/o ó blog do CDR " O Viso"

Benvida, benvido ó blog do Centro de Desenvolvemento Rural "O Viso".................. O que cres é o que creas.

viernes, 19 de febrero de 2021

"Sinfonía aldeá que se transforma en drama antropolóxico e social"

   Hai un tempiño (entre un e dous meses, coido) viñeron pasar un día con nós Miguel e Marta para gravar e falarmos da nosa realidade. Hoxe, Miguel Ares, enviounos este documental no que se recollen algunhas imaxes de Lodoselo e as intervencións de Juan (veciño) e Toño (como voceiro do CDR O Viso).  

https://youtu.be/0jdid4dBPKc

 Este é un documental sobre o rural galego e o seu progresivo despoboamento. Segundo o Instituto Galego de Estatística temos en Galicia máis de 154.000 persoas maiores de 70 anos. A gran maioría vive en núcleos rurais que, aos poucos, se van baleirando. Co abandono do rural pérdese un xeito de vida que nada ten que ver co das cidades: o contacto coa natureza e cos veciños, o ritmo lento, valores e relacións baseadas na confianza mutua... De todo isto falan neste filme homes e mulleres que naceron en aldeas cheas de vida e aínda viven nestes núcleos de poboación onde, hoxe, a falta de relevo xeracional é unha realidade. 

Como contrapunto, entrevístase tamén a habitantes retornados ás súas orixes rurais. Son retratos filmados que contan historias de sabedoría cunha linguaxe narrativa sinxela e pausada. Cos uns e cos outros componse unha sinfonía aldeá que se transforma en drama antropolóxico e social. 

 Iniciativa realizada ao abeiro do Fondo de Proxectos Culturais Xacobeo 21.

viernes, 12 de febrero de 2021

Na víspera do Día Mundial da Radio: IncluLimia. Radio Lodoselo


 
Velaquí outo podcast. Se a finais do pasado ano puñamos en marcha Radio Lodoselo agora recollemos a idea motor desta iniciativa; contribuír o noso empeño de inclusión. Por iso este nome de incluLimia e contar coas persoas da Limia con diversidade funcional; tamén ás súas familias, entidades, a veciñanza...
Hoxe Anabel, educadora do CDR O Viso charla con Araceli e Bruno de Limisi.

viernes, 8 de enero de 2021

Unha regalía: para gozar da nosa contorna

 


 
 
Moito frío, temperaturas propias de xaneiro... Xaneiro, xeadeiro. E se ademais baixa a néboa, queda a xeada dun día para outro... Ocorre que a paisaxe que nos atopamos é todo un espectáculo. Unha sorte poder gozar desta contorna. Velaquí unhas imaxes da reitoral, vivenda comunitaria, centro de inclusión e arredores.  

lunes, 4 de enero de 2021

O lobo no Covelo


 Velaquí unha nova de interese porque xa había tempo que non tiñamos visto o lobo por aquí. Esta vez poideron grabar estas imaxes á beira da granxa O Covelo.

 Será que hai neve na Serra e nos altos pero chámanos a atención que se achegue tanto e máis cando si temos constancia de que hai outras poboacións ben abondosas na contorna (xabaríns, cervos...) e que debería manter á liña se a presenza do lobo fose real.

Ou vai ser que non é un lobo o que aparece no vídeo? Fálannos de varios avistamentos estes días en varios lugares (Nocelo da Pena, Perrelos, Portela... ) e mesmo de algunha matanza. Pero foi o lobo?