En Madrid, na histórica protesta do rural, ó final do acto, despois de "mollarnos" con esa auga que empapa a terra e rega o compromiso que alí se sentía polo medio rural, fixemos o recorrido pola Castellana, a lectura do Manifesto... E, se xa estabamos emocionados, vivimos un entrañable intre que será dificilmente esquecido: hoxe atopei que lle chaman o Saúdo Celtibérico e que ten que ver cunha mostra de respecto e ánimo.
Seica é bastante coñecido porque fan algo parecido os hinchas islandeses co seu equipo de fútbol. Aquí o tedes: O latido do corazón dos nosos pobos, a forza da unión que reanima, o silencio. #nósestabamos.
