Blog C.D.R. "O Viso": VII Edición da Fundación para o Desenvolvemento Rural “Macario Asenjo Ponce” ó C.D.R. “O Viso”

lunes, 28 de mayo de 2012

VII Edición da Fundación para o Desenvolvemento Rural “Macario Asenjo Ponce” ó C.D.R. “O Viso”

Os Premios ó Desenvolvemento Rural “Macario Asenjo Ponce”, están dirixidos a persoas, colectivos ou institucións que se distinguen polo seu traballo en pro do desenvolvemento rural.

O obxectivo destes galardóns, na súa dobre modalidade nacional e provincial, é recoñecer a traxectoria dunha persoa, colectivo ou institución que teña destacado pola súa labor científica, técnica, cultural, educativa, empresarial, social e humana na posta en marcha de accións ou proxectos significativos para o desenvolvemento rural.

Estes proxectos han de ser un reflexo das persoas, empresas ou entidades que traballan por un medio rural mellor, contribuíndo de maneira decisiva ó desenvolvemento económico e social dos nosos pobos, cunha labor moitas veces non recoñecida; por esta razón a Fundación quere valorar esta importante labor, á vez que se contribúe a recordar a figura de Macario Asenjo Ponce, recoñecendo a súa labor e empeño por impulsar o desenvolvemento integral dos nosos pobos e as persoas que os habitamos.

Ós premiados otórgaselles unha figura, peza exclusiva, deseñada e creada pola artista de San Pedro de Gaillos (Segovia), Angela Clemares, y una dotación económica de 3000 €.
A entrega de premios será o vindeiro sábado 2 de xuño; coincidirá co XX Aniversario de Codinse – Coordinadora para o desenvolvemento integral do Nordeste de Segovia- e pechará o programa de actividades organizadas para esta semana en Campo de San Pedro.

O fin principal da Fundación para o D. Rural é promover o desenvolvemento social, económico e cultural do medio rural e a mellora da calidade de vida das persoas que viven nel, contribuíndo a superar o desequilibrio demográfico, as deficiencias de infraestruturas e servizos e optimizando o nivel de autoestima cultural, ata conseguir un equilibrio entre el desenvolvemento rural e urbano en orde a unha maior xustiza territorial.

Nace en 2005 coa clara e decidida intención de ser un instrumento máis que posibilite a revalorización do patrimonio que atesoura o medio rural así como motor de cambio nas deficiencias que sufre.

Traballa en catro liñas principais:

• Programa integral para la atención a maiores.

• Programa formativo para el asentamento da poboación nova.

• Programa ambiental.

• Programa de Promoción del medio rural.

Nesta sétima edición consolídanse as categorías nacional e provincial. En 2011 as entidades que obtiveron este distintivo foron Cuarto Creciente Borobia S.L, en categoría Nacional, e o Concello de Coca na Provincial. Cuarto Creciente Borobia S.L é unha entidade ubicada en Borobia (Soria), unha pequena poboación nas ladeiras do Moncayo. No momento da súa creación deuse a opción a todos os veciños para que puideran formar parte dela para levar a cabo proxectos de desenvolvemento rural sostible empregando os recursos existentes no pobo. Pola súa parte, o Concello de Coca (Segovia) mantén desde 1998 un proxecto de desenvolvemento no municipio consistente na investigación de novas técnicas de extracción resineira en 18.000 pinos.

O nome destes premios é un homenaxe a Macario Asenjo Ponce, unha persoa comprometida que dedicou a súa vida a axudar ós demais e que grazas á súa visión anticipou solucións ás deficiencias e problemas das zonas rurais, impulsando o desenvolvemento integral dos pobos e mellorando a calidade de vida dos que neles viven.