Sen cumprir aínda os dous meses este 5 de novembro traemos de Sarreaus (da casa da Hermesinda, da gasolinera, moitas grazas!) esta cadeliña. Coa esperanza de que nos axude a pastorear as ovellas e tamén para outras actividades que facemos no CDR "O Viso" cos animais (no Pobo-escola, no Centro de Inclusión, na Casa Niño, na Vivenda Comunitaria...)
Sabemos dos beneficios da interacción cos animales para os seres humanos, tanto a nivel físico como psicolóxico. Un contacto que contribúe ó mutuo benestar e a sermos personas máis plenas e máis felices.
Non só en estudos actuais; xa na antigüidade, numerosos galenos gregos prescribían, por exemplo, ós seus pacientes afectados por enfermidades incurables os paseos a cabalo “cos que alegrar o espírito e mellorar a calidade de vida”.
Así que, xa sabes, aquí tés outro motivo máis para achegarte por aquí.
