O sábado 5 de maio marchou Michel para a súa terra, Alemania. Estivo aquí con nós desde xullo de 2011 a través do Servizo de Voluntariado Europeo. Algunhas fotos del cos grupos do pobo escola, na túa outra casa (vivenda comunitaria) e preparando os xogos da ludobiblioteca itinerante... Pero tamén deixou a súa pegada no invernadoiro, cos animais, nas persoas ás que se achegaba co xantar, no comedor comunitario, nos moitos amigos que fixo na Limia... Moitas grazas, Michel.
E o domingo 6 de maio chegaron Vedran e Jose. Vedran Benzon é de Split -Croacia-; a súa organización de envío é Help. Jose Rodrigues ven de Portugal; a súa organización de envío é GAIA (grupo de acçao e intervençao ambiental) do Alentejo. Aquí os temos -xa hoxe- en directo participando no día a día da vida do C.D.R. O Viso. Benvidos e grazas por compartir esta "utopía realizable", a loita cotiá por facermos posible o que é necesario.
No hay comentarios:
Publicar un comentario