"O Quince": Festas 2024. Somos o que agradecemos

Un ano máis, un ano menos... Velaquí estamos nas festas do pobo. Sempre en primeiro lugar co agradecemento ás tres persoas que conformaron o equipo animador e organizativo delas; todo un exemplo do bo facer... Todo o ano preparándoas, organizando as xuntanzas veciñais para irnos informando e mesmo deliberando xuntxs... Carteis informativos, traballo nas redes, traballo...  Graciñas!

 

 Hoxe a partires das 17 h temos a festa da escuma na cortiña de abaixo, o diestro que está diante do bar. Tamén poñeremos polas rúas do pobo ó longo do Barrio dos Tres Pés e pola Canella da Ponte ata o Outeiro xogos tradicionais, populares e do mundo, aproveitando as sombras e convidando a toda a veciñanza e xente convidada a que participe. Coma sempre, aínda que haberá algunhas persoas para alentar e mesmo explicar os xogos, o convite é xogar e divertirnos xuntxs. É importante e necesario que volvamos deixar os enredos, materiais... como os atopamos para que a seguinte persoa que participe atope as fichas e todos os materiais como ti os atopaches, listos para compartir este momento. Sen a colaboración de todas e todos sabemos que isto non funciona. Graciñas.

Ó final dese circuíto de xogos teremos abertas as Casas da Memoria. Estades convidados a visitar e coñecer estes espazos que forman parte da nosa identidade. Paneis co proceso de recuperación das mesmas, coa microtoponimia (os nomes dos lugares) de Lodoselo, o tema das minas (algunhas ferramentas, código qr con acceso a Radio Lodoselo e os podcast sobre esta temática, un vídeo coa voz e imaxes dalgúns dos protagonistas...) e outras informacións referidas á historia do noso pobo de destes espazos nos que pasamos os días ( O monte do Viso, a Casa de Sorga, etc)

Sempre convidadas e convidados a que posibilitedes coa vosa presenza a que estes encontros contribúan a seguirmos testimoniando que xuntos somos mellores; que aínda que poideramos vivir sen os demais a vida gústanos máis compartindo, pasándolle o testigo ós máis novos do que foi a vida dos nosos maiores. E xa sabedes tamén... facede achegas e propostas de mellora. Xuntxs somos mellores.

 

O escudo da Casa de Sorga

Contárannos moitas veces o espectacular que era a Casa de Sorga e o escudo que alí había. Da importancia daquel escudo, nalgún tempo, no que ata os fuxidos da xustiza que chegaban ata el quedaban baixo a súa protección (quedando a traballar para esa casa). Chegamos a falar do tema coa persoa que herdou aquela casa (a parte na que estaba o escudo) e que nos confirmara no seu momento a súa venda. Agora seguímoslle a pista e atopámolo no Pazo dos Escudos Hotel & Spa Resort, en Vigo onde fixemos esta foto a finais de abril de 2024.

 Esta é a información da que dispoñemos.

CASA SOLARIEGA DE LOS SOTELO  (LODOSELO)

González de Ulloa, al referirse a esta localidad, indica que «Aquí es distinguidísima la casa solariega de los Sotelos, señores de Sorga, junto a Celanova, Suatorre y Caldeliñas en el valle de Monterrey, en la parroquia de Villamayor, unidos con los señores Acebedo de Verín», a cuya familia pertenecía don José Calvo Sotelo, conocido político gallego que fue Ministro de Hacienda.

Disponía de un buen dibujo del escudo que ornaba aquella casa solariega, porque también lo tenía en su archivo mi tío Xesús Taboada Chivite; pero cuando indagué en el pueblo donde se encontraban la casa y su escudo, los vecinos a quienes pregunté por ello, me dijeron que me podían enseñar la casa, pero que el escudo lo había comprado un señor de Vigo.

Fue ese uno más de los escudos adquiridos por el Sr. Sensat en la provincia de Orense, que ahora se encuentra expuesto en el Hotel Pazo de los Escudos, en la ciudad de Vigo.

 

Español redondeado, tiene su campo cuartelado en cruz, y lleva: 1) tres palos recortados y bordura cargada de ocho calderas, armas de TABOADA; 2) un árbol, con bordura cargada de ocho lises; 3) tres bandas, que pudieran ser TOUBES, LOPEZ o cualquiera de los muchos linajes que utilizan esas piezas en sus armas, y 4) tres fajas, armas de los RIBERA. Sobre el todo, escusón con un árbol, acostado de dos cabras enfrentadas, empinadas al tronco, armas de los SOTELO. Timbrado de yelmo frontal empenachado y ornado de lambrequines.

Adolfo Taboada Sanz.

LABRAS HERALDICAS DE XINZO DE LIMIA Y SU COMARCA

https://taboadasanz.es/images/file/labrasheraldicasxinzodelimiaycomarca.pdf

https://www.taboadasanz.es/images/file/labrasheraldicasenlosantiguosestadosdelacasademonterreiengalicia.pdf

José Antonio (Cuti) "Amigos dos Ferros"

 https://www.lavozdegalicia.es/noticia/ourense/2024/08/01/amigos-dos-ferros-pasion-motos/0003_202408O1C8991.htm

O noso querido veciño do fondo da "calle" (primo carnal) apareceu recentemente na contraportada da Voz de Galicia. O motivo? A súa pasión polas motos e a iniciativa de hai varios anos (2015) de crear este grupo (Amigos dos Ferros) que non para de medrar. Organizan, como mínimo, unha quedada ó mes na que fan rutas que levan ós participantes a descubrir distintos recunchos da provincia de Ourense. Pasear e gozar coas paisaxes. " As nosas son motos de paseo e imos moi tranquilos"